Nec etiam delectabili habitatione hic frui appetas: sed potius talem refugias: quia spem diminuit de futuris in celo habendis delitiis. Unde in vitas patrum: facta de quodam loco delitioso mentione: dicitur sic: Locus iste si delitiosus est et abundans: quam requiem sperabimus in futuro seculo si hic delitiis fouemur? Multo ergo melius est hic habitationibus carere delectabilibus: quam pati detrimentum circa bonum spei de sidereis mansionibus consequendis in celestibus.